嚐館 (已結業)

今日去咗黃大仙附近探朋友，朋友帶我去平時佢食開嘅飯堂。佢話呢度中西日嘅菜式都有齊，實有一款啱我口味。果然去到餐廳， Menu嘅食物真係多不勝數，花多眼亂，最後我哋決定食西式加中式。咖喱香酥雞球$78可以配白飯或意粉。咖喱幾香同少少香辣，撈意粉一流。雞球嫩滑，份量多，仲有薯仔同青紅椒，足料。呢個係餐仲配熱飲，抵食揚州炒飯$60炒飯炒得粒粒分明，充滿蛋香，乾爽不油膩，配料有叉燒，火腿，蝦，蛋同菜粒等等，朋友好鍾意食。香蔥肉丁餐肉粒炒飯$60呢個炒飯有超多肉丁同埋餐肉，好邪惡，仲要加埋香蔥，少少香辣，不知不覺食多咗好多飯。