小果籽

營業中

休息中

舖仔細細，牆上都寫滿了餐單，有A、B、C款任搭，亦有每日精選套餐。沙律、麵包和焗薯等，不同配搭有不同價錢，豐儉由人。叫了蜜糖烤雞扒併司華力腸配田園沙律及焗薯，一次過吃多幾樣食品。田園沙律，可配日式芝麻醬或千島醬，粟米、蕃茄、青瓜和生菜都很新鮮爽脆。主食是蜜糖烤雞扒，烤得皮脆卜卜，雞扒醃得入味，醬汁甜甜地，好正。司華力腸，雖是現成貨，可烤得到位，有焦脆感。黑椒蟹柳焗薯，好多蟹柳餡，加埋焗薯，想唔飽都唔得了。加$8，可配果茶，選了新鮮水果綠茶，綠茶中加有西瓜、檸檬和哈密瓜，在淡淡綠茶味中帶有酸酸甜甜，消飽滯感。