たまご園 (荷里活廣場)

營業中

休息中

被餐廳出面粒蛋吸引咗去裡面食個午餐，因為剛剛過咗午餐時間食客為數不多。佢大部份食物都可以加錢升級套餐，包沙律同埋湯，份量唔多，沙律都算新鮮，同埋個湯都幾濃郁。 咖啡都係即磨咖啡，香濃唔酸。先來一客牛油果三文魚親子，牛油果唔生，軟熟同埋無氧化到。三文魚同魚子都算新鮮，雲朵蛋都好鬆軟。佢配埋嘅飯素加落隻蛋度食幾好，因為蛋係無咩味道。另外一個吉列蝦滑蛋飯，炸蝦都香脆唔太油膩，滑蛋汁濃、洋蔥比較多，飯嘅份量都唔係算多。整體上都還算可以的一間餐廳