日本雪糕物語 (金馬倫道) (已結業)

好開心香港終於有Cremia軟雪糕賣，但又好唔開心...因為試完之後，根本係兩回事。如果沒有親身去日本食過當地嘅Cremia軟雪糕，或者就唔會有比較，唔會有失望。日本一個原味買緊500円，香港原味則買38蚊港紙，價錢其實都差唔多，但味道上其實大不同。香港版Cremia質地比較軟身，感覺有啲稀，溶得比較快，口感好滑溜，但奶味唔夠濃比較淡。好彩個類似「白の戀人」嘅曲奇筒，味道同口感都同日本食嘅一樣，好香。除咗個雪糕筒，軟雪糕個味道實屬普通。而香港限定嘅榴連味也只係在原味雪糕上多灑一層榴連味嘅粉末...實屬敷衍，但價錢卻要俾多$7...貴！唔值！鋪頭除咗賣Cremia系列，亦有售其他日本品牌雪糕，其實可以一試其他產品，或者寶物在其中。