翠苑餐廳

營業中

休息中

「肚餓一定要食早餐！」現呢排量地又咁早起身，就走左去附近食早餐。講真。。住咗呢度2、30年，其實真係冇咩好食，入呢間野嘅原因係因為佢比較大間同坐得好啲。一入到去，嘩！到九點半架啦，間嘢人山人海。。幾經辛苦先搵到張集體搭枱嘅圓枱，咁就叫咗沙嗲牛肉熟蛋出前一定同埋熱檸水，咁嘢食就好快出現。。個麵一到，正常嘅，因為我已經叫咗出前一丁，佢平時個公仔麵係好難食。。d牛就，食得出佢用咗好多梳打粉去乸d牛肉，軟到唔使用牙都咬得開。再飲個湯，正！佢係用出前一丁個粉再加佢d湯整，咸到一個點！到個熱檸水，我都唔明佢係買d咩檸檬，浸得耐係苦，一嚟到係要即刻篤幾嘢就要即刻拎走佢，苦仲多過酸嘅檸水。。