滿記甜品 (已結業)

今日去銅鑼灣Shopping，整返個甜品下午茶先，地點係時代廣場地庫B1嘅cookedDeli。滿記嘅分店開到全香港都有，對我哋呢D好日都唔入一次西貢嘅人真係好正。今日去到呢間滿記，店員推介我哋食Set，可惜我哋對套餐無興趣，所以都係散叫算。我哋喺鋪頭前落Order後跟住就去收銀處俾錢；芒果白雪黑糯米等咗唔洗三分鍾、而埶嘅湯丸加芝麻糊就要等五分鍾先有得食~~~芒果白雪黑糯米 (Thai Black Glutinous Rice with Mango in Vanilla Sauce) ($29)：今次芒果有D酸Bor，但個黑糯米就非常香滑，好好食，加上雲厘拿碎冰，椰汁夠，總括而言材料十足，賣相亦很好，又一強烈推介~~~湯丸加芝麻糊 (Sweet Ball & Sesame Soup) ($22)：湯丸好好食，芝麻糊又香又滑，好鐘意佢既香味，整體實在配合得天衣無縫，好食~~~更有一間喺左近嘅滿記，真係每一間嘅食物都保持到質素，絕對可以話係香港甜品中嘅名牌。另外，呢間滿記嘅服務員禮貌同態度都十分良好，值得支持！一個咁滿足嘅甜品下午茶，兩個人食，共$51，我哋就覺得OK啦~~~