De België (已搬遷) 新店位置

今次係我第二次黎呢間比利時菜，鍾意呢度嘅原因只有一個，就係餐廳嘅氣氛。每晚都會有好多外國人坐喺餐廳外邊，order杯啤酒就坐足成晚。星期四咁熱鬧真係喺中環先會見到。 重要嘅係呢度啲嘢食真係唔錯，而且可以品嘗到咁多款唔同嘅比利時啤酒，格外開心。 叫咗一杯Celis White (Draught), 濃度唔係好高，好適合女仔飲。上邊有一層厚厚嘅泡沫，入口清新帶有荔枝果香味，入口容易而不苦不澀。 除咗啤酒之外，呢度都有好多mocktail 同其他無酒精飲品。Mixed Berries Smoothie 係其中之一， 莓味唔係好重，但入口幼滑，解渴之選。 前菜分別係 八爪魚薯仔同埋蝦仁釀蕃茄。 八爪魚辣辣地口感煙韌，配薯仔食配搭一流，係好好嘅助酒食品。番茄入面嘅蝦仁好彈牙，醬汁好creamy ，有啲似千島醬同忌廉混合，好好味。 呢度嘅賣點之一就係呢兜青口， 今次選擇咗啤酒味。 青口好大隻，塞滿成個煲。每隻青口含有啖啖嘅啤酒香，口感彈牙新鮮。 而啤酒更能帶出青口嘅鮮味。 青口配搭咗炸薯條，薯條新鮮，係新薯炸出嚟嘅，鹽度落得剛好。加上特色沙律醬，口感味道一流。 再來一個地中海海鮮意粉，哈哈，估唔