On The Hill Coffee Bar (寶暉大廈) (已結業)

有日一早喺天光道學完電單車，落堂諗住搭巴士返屋企嘅時候，經過見到有間新開嘅coffee shop，門面睇落已經覺得好靚，入面嘅裝修偏日本風，簡約舒適，但又有不少嘅細緻位，好奇之下就走入去睇下。有室外座位。落地大玻璃隔開，景觀開揚。簡單至一枱一櫈，都好有特色。仲有大量小裝飾，睇得出店主花咗唔少心思。Menu簡簡單單，以咖啡為主題☕️由於阿媽打電話嚟吹返屋企食飯😂本身叫咗杯熱mocha喺到飲，中途先轉拎走飲。店員好好人好客氣，即刻話會幫我安排。就算外賣杯，打開蓋都依然有個靚靚拉花。咖啡味香濃，入口順滑，甜度適中，個人口味問題覺得朱古力味唔太夠。今次冇得坐喺度飲有啲可惜，下次落堂會再去過坐低慢慢嘆。