亀井鮨 (已結業)

1/5 開始全場食品8折優惠，咁抵當然要入去食。聽講，亀井鮨係開業超過百年的日本老店，香港是在外地的第2間海外分店，過江龍餐廳應該都有番咁上下水準。時令魚薄切採用時令嘅新鮮魚，加上師傅精湛嘅刀功，片片魚生都薄到晶瑩剔透。今次係深海池魚，肉質鮮嫩肥美，口感清爽，加上秘製酸醋汁，更加帶出魚生嘅鮮甜。極上壽司盛豪華嘅壽司盛合，12款唔同嘅壽司，除咗牡丹蝦、穴子、油甘魚等之外，焦點當然係粉嫩肥美嘅大拖拿同甘甜細膩嘅日本海膽，食得出食材嘅新鮮，同師傅細心嘅處理。霜燒海鮮丼海鮮丼上嘅三款魚生都經過炙燒，提升咗食材嘅香氣同埋口感嘅層次。肥美嘅三文魚腹、帆立貝同左口魚裙邊，都爆發出魚油嘅香氣，入口即溶。店員話餐廳除了使用各地空運到港的刺身食材，於香港分店首次加入了本地元素，部分料理使用香港本地海鮮製成🇭🇰🇭🇰🇭🇰加洲卷非常為人熟悉嘅卷物，青瓜、牛油果、蟹柳再加上蛋黃醬，包裹係香脆嘅紫菜同飽滿嘅白飯入面，經典但每次都咁好食。