郭仔記粥麵專家

營業中

休息中

放假同媽咪入大埔行下食下，就入左呢間車仔麵諗住試下。餐牌選擇好多，有飯，芝士撈公仔麵同車仔麵。叫左三餸麵，有豬腸，魚蛋同雞翼油麵，腩汁湯底，望落個湯都好濃，食落豬腸雞翼都好入味，魚蛋有成八粒，好大碗好足料。媽咪就叫左個四送麵，墨魚丸，腸仔，豆卜，生菜，沙嗲汁，望落都好豐富。炸燒賣跟車仔麵都係跟$8有六粒，都好平，炸得脆脆的，幾好食！腐乳通菜$17，菜都好嫩而且都大大碟。魚肉翅$22大大碗，足料又多魚肉。叫左杯凍豆漿都係$6，好香豆味同夠凍。