影片
更多
2016-04-26
11278 瀏覽
之前寫開:...因為好好歹歹都曾經是城中熱店之一, 訂枱條線出名難打, 後期雖然Hotline已'分流'但俾起其他酒店Booking Centre 呢度可算非常唔方便, 總之今餐唔駛我訂我至會嚟 . 接續上一篇寫The Market, 但因為已是幾個月前的相片及資料, 有啲唔齊全, 自己寫來都唔太滿意因為搵唔番晒啲相, 而今篇近少少, 是復活假其中一天的 Dinner Buffet, 所以拿拿臨前後腳寫埋佢先.首先, 又係入座問題, 今日我們巡例又早咗, Respect! 明明之前都講過嚟呢度千萬不要早到只可準時, 但因為慣性問題又早來了, 去隔鄰公園玩咗一輪仍是早...嚟到又係無位坐亦無位企, 但香港人係咁規舉, 有條隊大家就自不然排入條隊, 等咗一會, 又係派號碼紙的時候了, 其實都仲有幾分鐘就夠18:30要'放人入'去啦, 派咩鬼號碼紙呀姐姐仔? 環保啲之餘有剩餘時間不如落力啲sell吓會藉實際啲啦... 開閘喇, 今次仲激氣, 明明訂座之時講明要梳化, deposit又俾咗, 佢打嚟reconfirm當日仲confirm安排到, 但今日門口姐姐仔不斷話最終安排唔到,
首先, 又係入座問題, 今日我們巡例又早咗, Respect! 明明之前都講過嚟呢度千萬不要早到只可準時, 但因為慣性問題又早來了, 去隔鄰公園玩咗一輪仍是早...嚟到又係無位坐亦無位企, 但香港人係咁規舉, 有條隊大家就自不然排入條隊, 等咗一會, 又係派號碼紙的時候了, 其實都仲有幾分鐘就夠18:30要'放人入'去啦, 派咩鬼號碼紙呀姐姐仔? 環保啲之餘有剩餘時間不如落力啲sell吓會藉實際啲啦...
開閘喇, 今次仲激氣, 明明訂座之時講明要梳化, deposit又俾咗, 佢打嚟reconfirm當日仲confirm安排到, 但今日門口姐姐仔不斷話最終安排唔到, 要坐最最最入的大圓枱, 雖然佢哋兩位好禮貌講咗幾次: [唔好意思真係安排唔到!] 但好禮貌又點? 受影響的是我們, 而且係嚟到入座妳至講係咪有點不誠實?! 無計啦, 唔通臨時撻訂唔食咩? 事但啦~~~
講番食物, 準備食刺身前, 我例牌飲湯暖暖胃warm up~
曾經是城中熱話的'珍寶帶子'呢?!! 變到得番薄薄的一片...
今日的蝦好腥, 俾多次機會食多兩round都仲係腥, 即係批蝦係咁質素, s-o-r-r-y 喇, No Thanks! 唔好食壞我胃口!
好快我又跳去食甜品了, 今日的甜品補償了剛才的腥, 款款都食得吓. 芒果奶凍、 Baileys Panna Cotta、荔枝啫喱、日式芝士蛋糕、開心果蛋糕全部都幾好味, 食晒都得!
今日好幸運, 有3款我喜歡的味道, 真係要食多幾杯! '
好'榴槤之人, 不可錯過這裡的各式榴槤甜品貓山王雪糕, 香、甜、滑! 非常好吃!
芒果蟹肉唔得, 芒果唔甜, 蟹肉沙律味道唔好食.
這個Dinner Buffet價錢要去到成750蚊一位, 如果是我, 我根本唔會選擇咁安排, 因為大家都年紀大喇食得多自己知自己事, 攞嚟辛苦, 就算就住就住食, 食Buffet好客易坐吓食吓又再眼濶肚窄始終又係多咗少少, 又要夜瞓等消化, 盞搞! 我都係prefer食lunch buffet好啲, 舒服啲, 況且成家人出動閒閒地又相差咗幾千蚊, 咁又可以食多餐, 啱唔啱先?! The Market Buffet又食完喇, 感覺係豐富的一餐, 食物質素係普通至中上的, 但好難回本呀! 況且今晚坐到咁入行出行入行到後來真係唔情願, 去過就明白甜品枱對住嗰堆枱排到咁密, 留返出嚟條通道叫做'主要通道'但全晚都咁繁忙明明唔算太窄都變到好窄, 行出行入/人來人往/人讓人...大家都算好禮讓但亦好唔方便, 好'迫'呀~~~ 當然始終餐廳來講食物分數佔最重, 所以拉匀我係係俾[OK嘅], 可以encore. 總之: '平常心~' 唔好擺太高期望咁大家會食得開心啲!
Happy Easter Holiday!
張貼
