都會自助餐廳 (已結業)

上年已經想試下呢間個buffet，但一直都未試，而家終於有機會，雖然見到啲comment好壞參半，但都係想試試佢先心息 (始終用左coupon折左好抵)！一黎就食生蠔長腳蟹龍蝦仔用刺身先，全部都新鮮。再黎就熱野，有片皮鴨食！呢個真係大愛，好食，見住師傅即片感覺良好！之後個大蝦都好爽又大隻，chur左4隻！其他熱食都唔錯，就算選擇唔算多都可以接受，即煮意粉區個印度師傅煮得唔錯。甜品就不過不失，有梳乎厘，即整熱辣辣。Movenpick好正，11隻味，食左3球已經飽到癲左！整體黎講我覺得比想像中好(可能因為我試過同價位酒店buffet質素差好遠 haha)，折左300幾都值得一試！