5
5
2
等級2
27
0
都係唔好亂咁聽伙計所謂推介
2008-04-21 12 瀏覽
呢間酒家開唔夠兩個禮拜，佢原址本來係金麟酒樓，但東港城商場大裝修後，個舖位有一大截間畀TASTE，所以依家呢間酒家size細好多，又所以飲茶時段都有好多人等位，正所謂新屎坑，特別多人想試，因此仲未有機會試佢點心，唔知掂唔掂？上星期四晚卒之忍唔住走去試佢晚飲小菜，一坐低就有好多伙計走埋問開茶未，初步覺得佢服務算唔錯，當我同老婆度睇緊個Menu陣，其中一個伙計向我推介佢招牌菜，就係糯米雞翼同石榴雞，老婆唔食雞，所以一定唔會考慮石榴雞，至於糯米雞翼本來都冇諗住叫，但係我叫個素鵝佢又話賣晒，所以咪聽佢點叫兩隻呢個25蚊一隻糯米雞翼囉！唉......以後真係唔好亂咁聽人推介呀！隻雞翼又細隻，最命係冇味道，同農圃飯店比，真係輸足9條街，真係唔知佢點解夠膽同人講係招牌菜呀！真係想即刻走出去拆佢個招牌，小南國椒鹽小黃魚都係25蚊一條，就好食同抵食過佢多多聲喇。另外我叫燒汁野菌牛仔骨，呢味都幾好味，仲有叫蜜桃咕嚕肉，個菜名有蜜桃兩個字，但就摷極都摷唔到一塊蜜桃，只係有菠蘿，點解唔叫菠蘿咕嚕肉呢？真係神奇！呢度白飯好細碗，仲要成10蚊碗，唔通米價真係加到咁離譜？係啦！仲有一樣好笑想講，呢間係用編號落單，咁
更多
呢間酒家開唔夠兩個禮拜，佢原址本來係金麟酒樓，但東港城商場大裝修後，個舖位有一大截間畀TASTE，所以依家呢間酒家size細好多，又所以飲茶時段都有好多人等位，正所謂新屎坑，特別多人想試，因此仲未有機會試佢點心，唔知掂唔掂？上星期四晚卒之忍唔住走去試佢晚飲小菜，一坐低就有好多伙計走埋問開茶未，初步覺得佢服務算唔錯，當我同老婆度睇緊個Menu陣，其中一個伙計向我推介佢招牌菜，就係糯米雞翼同石榴雞，老婆唔食雞，所以一定唔會考慮石榴雞，至於糯米雞翼本來都冇諗住叫，但係我叫個素鵝佢又話賣晒，所以咪聽佢點叫兩隻呢個25蚊一隻糯米雞翼囉！唉......以後真係唔好亂咁聽人推介呀！隻雞翼又細隻，最命係冇味道，同農圃飯店比，真係輸足9條街，真係唔知佢點解夠膽同人講係招牌菜呀！真係想即刻走出去拆佢個招牌，小南國椒鹽小黃魚都係25蚊一條，就好食同抵食過佢多多聲喇。另外我叫燒汁野菌牛仔骨，呢味都幾好味，仲有叫蜜桃咕嚕肉，個菜名有蜜桃兩個字，但就摷極都摷唔到一塊蜜桃，只係有菠蘿，點解唔叫菠蘿咕嚕肉呢？真係神奇！呢度白飯好細碗，仲要成10蚊碗，唔通米價真係加到咁離譜？係啦！仲有一樣好笑想講，呢間係用編號落單，咁佢除有本比較靚Menu之外，另外又會畀張單張我睇，我原本想食素鵝係show本Menu裡面，佢編號竟然同單張裡面鹵水掌翼一樣，所以佢畀錯個掌翼我，不過碟賣相好差，我唔想要，咪同個伙計講話我係要素鵝，佢走，後來有個部長走同我講素鵝賣晒，話幫我cancel個order，我問佢係唔係根本冇素鵝o架？佢死撐話有，但我睇番佢放面張單，個編號明明係寫住鹵水掌翼，真係服佢囉！最後呢度小菜碟頭唔係好大，同稻香差唔多，真味鮮廚就大過佢好多喇！真味咕嚕肉好食過佢好多。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
人均消費
$100