影片
更多
2023-09-23
35 瀏覽
📍湯煲私房火鍋 🔍上環永樂街1-3號世瑛大廈4樓401室-----心血來潮突然間好想打邊爐，就捉咗家姐陪我去食呢一間屋企附近嘅私房野。仲記得對上一次黎喺度撞到盧巧音，今次黎無撞到明星，不過味道水準keep得唔錯。✨滋陰花膠雞煲$388湯底幾足料，材料有薑、金華火腿、龍眼肉，紅棗、杞子、花膠、走地雞等，非常養生，飲落去富膠質，甘甜奶滑，走地雞扎實有雞味。✨叫咗幾款食物包括有：水晶叉燒包拼奶皇包$88脆骨魚腩 $118廣東雲吞 $88 芥蘭苗 $68佢哋整體嘅食材都比坊間嘅連鎖火鍋店用得高質，水晶叉燒包拼奶皇包玩味十足，食落鹹鹹香香帶少許甜，好特別。脆骨魚腩魚脂豐腴，彈牙之餘，食完之後有滿口魚油嘅感覺。廣東雲吞就大大粒好爽口，蝦味突出，皮薄餡鮮。而最後簡簡單單嘅芥蘭苗亦頗有驚喜，翠綠非常，用濃香嘅花膠雞湯洽煮完味道亦更上一層樓。人均約$450
🔍上環永樂街1-3號世瑛大廈4樓401室
-----
心血來潮突然間好想打邊爐，就捉咗家姐陪我去食呢一間屋企附近嘅私房野。仲記得對上一次黎喺度撞到盧巧音，今次黎無撞到明星，不過味道水準keep得唔錯。
✨滋陰花膠雞煲$388
湯底幾足料，材料有薑、金華火腿、龍眼肉，紅棗、杞子、花膠、走地雞等，非常養生，飲落去富膠質，甘甜奶滑，走地雞扎實有雞味。
✨叫咗幾款食物包括有：
水晶叉燒包拼奶皇包$88
脆骨魚腩 $118
廣東雲吞 $88
芥蘭苗 $68
佢哋整體嘅食材都比坊間嘅連鎖火鍋店用得高質，水晶叉燒包拼奶皇包玩味十足，食落鹹鹹香香帶少許甜，好特別。脆骨魚腩魚脂豐腴，彈牙之餘，食完之後有滿口魚油嘅感覺。廣東雲吞就大大粒好爽口，蝦味突出，皮薄餡鮮。而最後簡簡單單嘅芥蘭苗亦頗有驚喜，翠綠非常，用濃香嘅花膠雞湯洽煮完味道亦更上一層樓。
人均約$450
張貼
