家．啡 (已結業)

我哋一行四人Book好位，但因為嗰日泊車問題遲咗10分鐘。未坐低個哥哥已經話「你哋都係要三點走㗎喎！ 」，我哋都係諗住坐半個鐘，冇諗過要去坐足你一個鐘，態度勁差，好似去咗茶餐廳咁。我朋友諗住先叫一件蛋糕，然後再睇吓飲乜。個哥哥即刻指住個餐牌話「每人都要嗌一杯嘢飲㗎喎，寫住㗎！」。你杯杯野都70 80蚊，比少小時間睇下先都得掛，叫遲一陣唔使西面吖！好似犯法咁！隔離group人嚟多咗一個人，明明室內有位，都唔俾人坐，要人坐出面。30幾度呀，軍訓咩！埋單一個人大約$150 ，加多幾十蚊已經可以去到半島hightea，重點係全程感覺十分差，坐得好唔舒服。食物飲品質素極度普通，服務態度差。裝修特別咩？周圍都有。要大自然，買杯咖啡上山飲都無咁嬲！特別嘅Cafe多的是，無需要為咗打個卡，影張相，去呢度，仲要比蚊咬到七彩！支持小店，但唔會支持，一間質素差但自己搞到以為自己好罕有嘅小店。