影片
更多
2015-07-17
1145 瀏覽
一向被譽為甜品控的我， 每逢星期六，日都鐘意去揾好野食， 當中當然唔小得我最鐘意的Afternoon Tea 拉。今次冇意之間竟然俾我發現到新大陸， 真係喜出望外。 Alize Noire de Nova係馬寶學林商場的一樓, 雖然位置唔係咁起眼, 但入到餐廳, 地方好大, 裝修格局好優雅, 本身見到咁的格局, 心諗會唔會好貴, 點知一睇個餐牌, 下午荼Tea Set for 2只係$298, 包2壺自選果荼, 好適合一班朋友一邊傾一邊慢慢嘆之餘, 價錢又唔貴好快, 我們點的Blueberry fruit tea就到左拉, 果味濃郁, 餐廳一d都冇將貨就價, 飲得出唔係一般的平價荼包。同朋友傾左幾句, 飲左幾啖茶, 我們點的tea set就到左拉, 份量比我想像中多, 真的有點怕食唔曬第一層係下午茶set一定有的英式鬆餅, 配自家製的士多啤梨醬同butter cream, 鬆餅內有好多提子乾, 士多啤梨醬有好大粒的士多啤梨, 自家製的果然係唔同d。食完鬆餅我們就試個法式小蛋糕, 味道同之前食開的唔同, 口感特別得來又唔會冇左原有的風味, 不錯不錯。之後, 終於到我最期待的鵝肝朱古力棒啦
好快, 我們點的Blueberry fruit tea就到左拉, 果味濃郁, 餐廳一d都冇將貨就價, 飲得出唔係一般的平價荼包。
同朋友傾左幾句, 飲左幾啖茶, 我們點的tea set就到左拉, 份量比我想像中多, 真的有點怕食唔曬
第一層係下午茶set一定有的英式鬆餅, 配自家製的士多啤梨醬同butter cream, 鬆餅內有好多提子乾, 士多啤梨醬有好大粒的士多啤梨, 自家製的果然係唔同d。食完鬆餅我們就試個法式小蛋糕, 味道同之前食開的唔同, 口感特別得來又唔會冇左原有的風味, 不錯不錯。
之後, 終於到我最期待的鵝肝朱古力棒啦~~~~一口咬落去, d鵝肝醬流曬出來, 正呀, 一開始只係食到鵝肝的味, 之後好快鵝肝的味就俾黑朱古力的味蓋過, 朱古力不會太甜, 兩者配合得天衣無繨, 如果呢支野係有得單order的話, 我係會立即order多支架 ^0^
到第二層拉, 我們試凍湯, 好清新, 健康之選。我個人就好鐘意個三文魚穌餅, 個餅底係好鬆脆的千層穌。 蝦串都好好味, 加上已經剥埋殼, 啖啖肉, 岩曬我呢d懶人, 呵呵呵
其實食完第2層, 加上飲到成肚水, 已經好飽, 不過作為甜品控的我係唔會放棄架!!我就試左個wasabi的馬卡龍, 一放入口, 哇!真係好重wasabi味呀, 不過最神奇的係一d都唔辣, 出乎意料地好味。我朋友就試左個earl grey味的馬卡龍, 佢話好重的earl grey味, 水準拍得住某d馬卡龍專買店。另一款個人推介的就係rasberry yogurt cake, 我最鐘意d酸酸甜甜的野架拉, 呢個cake清新得來又唔會太酸, 好岩我胃口。 最後就係榛子朱古力cake, 水準都唔錯, 好重的榛子味, 不過, 個人都係鐘意rasberry yogurt cake多d。總結, 咁的價錢都可以做到咁高質素的tea set, 我絕對會再來幫襯
張貼
