混亂 STEAK (已結業)

喺佐敦呢一間酒店入面有一個平民式嘅美食廣場，。喺宜家疫症期間，佢喺門口有專人幫你量體溫，所以入去嘅人食得都好安心。入到去我就揀咗呢一間食牛扒嘅舖頭試一試， 佢有三款牛畀你揀，我就揀咗佢嘅混亂牛扒嚟試下。 佢呢度係以牛扒重量黎計，即場喺你面前切一塊落嚟磅，冇花冇假明碼實價。另外，我仲加多咗18蚊可以揀三樣嘢做一個餐，包括有：牛肉湯 、汽水同埋飯。🍖混亂牛扒 75蚊望落去幾大塊亦都好厚身，而且佢唔會煮得太老，砌到去嘅時候都feel到有啲肉汁標出嚟。 不過食落去嘅咬口就比較韌小小。 不過配埋佢嘅汁同埋啲蒜蓉配埋個飯食都幾好食。 要求唔算高嘅話都可以嚟試一下。不過最估唔到佢嘅牛肉湯好好味，湯入面有啲燉到好淋嘅牛肉，食落口好似唔使咬咁好軟綿綿。整體嚟講呢個價錢算係平價牛扒啦，輕鬆鬆食一餐都ok嘅。