影片
更多
2022-08-12
1536 瀏覽
中環新開地中海x法國fusion菜酒鬼又被一道原隻烤雞驚艷到！當日幾道主菜都頗有亮點，更有以魚子醬同香檳入饌嘅菜式。雖然有唔少名貴嘅食材，但餐廳走嘅卻係causal dining嘅路線。氛圍輕鬆，音樂輕快，毫不拘謹。由牆身到天花都掛滿本地畫家嘅畫作，偶爾碰杯舉頭，亦能感受到滿滿嘅藝術感。唯一要注意嘅係餐廳冷氣有啲凍，大家最好帶返件褸啦~𝘽𝙧𝙚𝙖𝙙係澱粉控忍唔住encore嘅麵包籃呀！上枱熱辣辣，呀妹就最鍾意長條形個款！好軟熟充滿牛油香。𝘾𝙖𝙫𝙖𝙞𝙧 𝙎𝙥𝙚𝙘𝙞𝙖𝙡▪️Dior Egg • Champagne • Soft Boiled Egg $258非常精緻嘅一道！晶瑩剔透嘅香檳啫喱包住温泉蛋，上面再放上一大匙魚子醬！當蛋味濃郁嘅流心蛋黃，配上帶鹹香嘅啫喱同魚子醬，呢個組合意外地夾！𝙏𝙖𝙥𝙖𝙨▪️Steak Tartare $198生牛肉肉質相對平時嘅紮實，加上爽脆洋蔥，清新得黎唔會太鹹，無筋無腥味。不過唔食pickle嘅朋友仔就要小心啦~ 旁邊仲配左自家製嘅脆片，略嫌脆片濃味左啲 搶過左牛肉他他嘅風頭。𝙈𝙖𝙞𝙣▪️Roasted Free Range $688全晚最鍾意嘅一道！原隻烤雞外
酒鬼又被一道原隻烤雞驚艷到！當日幾道主菜都頗有亮點，更有以魚子醬同香檳入饌嘅菜式。雖然有唔少名貴嘅食材，但餐廳走嘅卻係causal dining嘅路線。氛圍輕鬆，音樂輕快，毫不拘謹。由牆身到天花都掛滿本地畫家嘅畫作，偶爾碰杯舉頭，亦能感受到滿滿嘅藝術感。
唯一要注意嘅係餐廳冷氣有啲凍，大家最好帶返件褸啦~
𝘽𝙧𝙚𝙖𝙙
係澱粉控忍唔住encore嘅麵包籃呀！上枱熱辣辣，呀妹就最鍾意長條形個款！好軟熟充滿牛油香。
𝘾𝙖𝙫𝙖𝙞𝙧 𝙎𝙥𝙚𝙘𝙞𝙖𝙡
▪️Dior Egg • Champagne • Soft Boiled Egg $258
非常精緻嘅一道！晶瑩剔透嘅香檳啫喱包住温泉蛋，上面再放上一大匙魚子醬！當蛋味濃郁嘅流心蛋黃，配上帶鹹香嘅啫喱同魚子醬，呢個組合意外地夾！
𝙏𝙖𝙥𝙖𝙨
▪️Steak Tartare $198
生牛肉肉質相對平時嘅紮實，加上爽脆洋蔥，清新得黎唔會太鹹，無筋無腥味。不過唔食pickle嘅朋友仔就要小心啦~ 旁邊仲配左自家製嘅脆片，略嫌脆片濃味左啲 搶過左牛肉他他嘅風頭。
𝙈𝙖𝙞𝙣
▪️Roasted Free Range $688
全晚最鍾意嘅一道！原隻烤雞外皮金黃薄脆，肉質嫩滑，超重紹興酒味！酒鬼超鍾意！底下仲有磨菇意大利飯~ 飯粒保留左米芯半熟嘅口感，滲入紅椒黃椒嘅甜味。
▪️Picanha $368
USDA Prime級嘅牛臀肉蓋經慢煮，肉質軟腍，牛味濃厚。雖屬脂肪紋路較少嘅部位，但當品嚐到邊邊位厚厚一層嘅脂肪，依然油香十足，入口即化。旁邊嘅紅椒黃椒香甜多汁，不失爽脆。
▪️Seabass En Papillote $338
紙包鱸魚魚質超軟嫩之餘，魚味濃郁。加上酸甜帶鮮嘅龍蝦汁，都唔錯呢~ 唯獨得兩塊魚，唔係好夠喉同埋貴左少少。
𝘿𝙚𝙨𝙨𝙚𝙧𝙩
▪️Soft Serve Ice Cream $188
魚子醬 x 雪糕 呢個配搭會唔會太有趣！雪糕軟滑富奶香，魚子醬鹹香相對突岀，未去到奇怪 但我就覺得唔算話好夾。雪糕筒就幾香脆，最底仲有啲朱古力醬同香檳啫喱添！
張貼
