隨心 (已搬遷) 新店位置

已經係第N次去隨心食野，今次發現佢多咗個酸菜魚選擇~Menu有幾款酸菜魚，怕辣嘅我都係叫番唔辣嘅酸湯魚 雖然唔辣，但個湯非常麻，食到一半都需要飲啖水先繼續 魚非常嫩，極少魚骨，唔錯~食到底先發現有麵 唔怪得侍應話叫一碟已經會飽！我地仲叫咗兩個小食，炸豆腐粒溫度適中，份量都多。蝦多士個造型好特別，真係成隻蝦放喺多士上面。雖然略嫌太油，但香味好足。好少見有賣椰香咖啡，飲嘅時候就算同咖啡混合，都有淡淡嘅椰子味滲出。