狀元海南雞專門店 (已結業)

荔枝角呢個小區有不少專賣雞料理的食店, 食過既有Thai-ger, 阿土伯鹽水雞, 東京淺草炸雞專門店, 連文記冰室同泰亞萊海南雞專門店。近排又開多一間 - 狀元海南雞專門店, 呢兩日開始試業, 今晚就買黎試下比較下。我地點左狀元海南雞飯, 香茅豬扒飯同泰式鳳爪。泰式鳳爪 - $24, 好啱我口味, 因為🍋酸多過辣,  鳳爪冇骨啖啖肉又爽口。兩個飯都有送例湯, 普通, 無咩味。狀元海南雞飯 - $48, 雞肉厚, 足料有入味, 但略嫌不夠嫩滑。雞皮帶點脆口, 不錯, 油飯也有入味, 米飯軟硬適中。但有一點請店家留意就係雞毛未處理乾淨。香茅豬扒飯 - $38, 值得一讚既係香茅豬扒飯都係配油飯, 豬扒同海南雞一樣肉質新鮮有入味。最值得一提既係佢地附送既其中一款沾醬, 酸酸甜甜好開胃, 相信係自家調配的, 因為無係出面餐廳食過呢個味道。唔清楚廚師既原意係用佢黎點雞定豬扒, 只係知道佢好好味呀, 最後, 我地都爭住淨係點呢個醬。小小既醬汁為係香港已經開到成行成市既海南雞飯店添上少少心思又有賣點。狀元海南雞專門店價錢實惠, 位置方便, 🌃晚市也有營業。 我個人覺得雞肉味道比泰亞萊好, 價錢比T