麥當勞

營業中

休息中

本蟲蟄伏十年，開飯網嘅版面都已經幾翻新，打開手機都研究咗一輪先識用。適逢疫情肆虐，又係時候趁低吸納到處搵美食。言歸正傳，今次與時並進講下麥噹噹嘅手機程式。佢哋近來推出新優惠，但下載後發現其實著數唔多，最吸引只係得個一蚊大汽水，相比之下對家上校叔叔個App就好用得多，不但送雪糕仲有得儲分，而且噏個電話號碼就得，唔使好似佢哋咁要埋櫃檯拍二維碼咁煩。講返間分店，佢哋近來轉咗自動測量體溫，但好多顧客唔識用結果俾職員嗌住唔俾行而大動肝火。近年麥記好多新安排想減省人手，結果都適得其反，令效率更慢。今次幫襯主要係試新推出嘅四式麥樂雞醬，只要一次過嗌18件就可以試齊。味道嚟講本蟲比較喜歡韓式醬，其他嘅就唔算好有驚喜，至於薯條間分店嘅出品係水準以下。即使以將軍澳區嚟講，間都係比較渣嘅一間。