影片
更多
2017-07-18
973 瀏覽
香港人對國內食品嘅接受程度愈黎愈高，好似重慶烤魚自從幾年前傳入之後，廣受歡迎，同類型店舖仲越開越多。可惜女朋友唔係太喜好魚，所以平時我都好少有機會食到，今晚約埋朋友喺荃灣食飯。幾個嗜辣之人，一拍即合去烤個魚先。呢間八一蕃好評不少，店鋪有兩層，夾埋都有20張枱左右，主打烤魚，有唔同口味有麻辣、刴椒、香辣、泡椒、酸菜、豆鼓同鮮茄，當然唔食魚仲有雞煲豬手煲可選擇。烤魚份量分全條，大半邊同埋半邊，我地三個人點左大邊，至於辣度，因為見前面評語嘅人都話幾辣下，所以點左小辣試吓佢先。食完我個人認為可以試下中辣。魚本身已經預先烤熟，平放喺湯底上面煮返熱就可以食得，魚肉鮮味，細骨唔算多，皮烤過更香口，魚背肉較多啱唔識食魚嘅女朋友，自己梗係食魚腩位同鮫位，雖然較多骨，但肉質更嫩滑，三個人食大半邊分量剛剛好。除烤魚另可再自選火鍋配料。跟魚可以優惠價$30 (原價$38) 點首份配菜 (大荳芽，金菇，秀珍菇，唐芹)。配料方面我地點左肥牛、雞件、雲吞、響鈴卷同埋蔬菜，同埋最重要嘅一丁。肥牛、雞件同雲呑就普普通通，新鮮但係唔係話特別出色。反而響鈴卷同油麥菜都索到啲湯汁又香又辣，好食但最最最正嘅都係一丁，將所有湯汁
呢間八一蕃好評不少，店鋪有兩層，夾埋都有20張枱左右，主打烤魚，有唔同口味有麻辣、刴椒、香辣、泡椒、酸菜、豆鼓同鮮茄，當然唔食魚仲有雞煲豬手煲可選擇。烤魚份量分全條，大半邊同埋半邊，我地三個人點左大邊，至於辣度，因為見前面評語嘅人都話幾辣下，所以點左小辣試吓佢先。食完我個人認為可以試下中辣。
魚本身已經預先烤熟，平放喺湯底上面煮返熱就可以食得，魚肉鮮味，細骨唔算多，皮烤過更香口，魚背肉較多啱唔識食魚嘅女朋友，自己梗係食魚腩位同鮫位，雖然較多骨，但肉質更嫩滑，三個人食大半邊分量剛剛好。
除烤魚另可再自選火鍋配料。跟魚可以優惠價$30 (原價$38) 點首份配菜 (大荳芽，金菇，秀珍菇，唐芹)。
配料方面我地點左肥牛、雞件、雲吞、響鈴卷同埋蔬菜，同埋最重要嘅一丁。肥牛、雞件同雲呑就普普通通，新鮮但係唔係話特別出色。
反而響鈴卷同油麥菜都索到啲湯汁又香又辣，好食
但最最最正嘅都係一丁，將所有湯汁吸入同鎖住喺啲麵入面，一啖啖將啲精華食落去，香辣得來有少少麻，好過癮
成餐食咗五百零蚊，除開每人百零蚊，整體嚟講都算合理，加上味道唔錯，不過食完會有後遺症就係成身都係烤魚味。
食嘅時候的確好過癮，所以有朋友想食烤魚都會再黎的！
張貼
