串王之王 - 正宗成都串串火鍋 (已結業)

今日心情勁興奮 因為收工約咗朋友嚟尖沙咀食呢間串王之王 係食重慶嘅串串鍋 終於唔使返大陸食了 車錢同時間都慳番一大筆呢度係任食計算 啱曬一大班人嚟食 鍾意食咩就食咩 材料可以喺外面嘅凍櫃度拎 每碟份量都係唔大 可以食多幾款唔同嘢食 而且Refill速度都好快 叫咗個重慶麻辣火鍋 同埋藥膳火鍋 嚟呢度食麻辣當然有保證 但估唔到藥膳鍋都咁足料 嗰浸藥材味湧緊出嚟 配上鴨血肥牛等等 都可以令食材入味嚟食重慶嘢點可以唔食麻辣鍋 麻辣鍋配上鵝腸 爽口彈牙 索曬麻辣香 一流 黑柏葉都係外面少有嘅食材 夠曬重慶老味道 串串鍋特色就係好似串燒咁串好食物 放落火鍋入面 仲有唔同醃料嘅肉類 超得意 當然嘢飲都係任飲