華達印度餐廳 (重慶大廈)

營業中

休息中

重慶大廈一直都係印度美食集中嘅地方，要搵好野食首先要做足功課，然後避開門口嘅人群，一野衝入去直達目的地。今次就去咗一樓呢間Swagat，同一般印度餐廳一樣，裝修較為簡約，但同時又充滿印度色彩。餐廳同時得到清真認證，代表所售賣嘅都係合法嘅清真食品。先講講佢嘅烤免治羊肉串(Lamb Seekh Kebab)，香料嘅味道十分濃，羊肉完全唔羶，而且唔係太辣，十分惹味。牛油烤雞(Butter Chicken)，雞肉十分嫩滑，而個汁甜甜地帶微辣，同個雞十分match。食得印度野基本上都離唔開印度薄餅，我地分別叫左烤餅(Plain Nan)、蒜蓉烤餅(Garlic Nan)同炸牛油鬆餅(Lachha Paranth)，每一款都十分香口，而且清楚咁食到麥粉同麵粉嘅香味，配合埋牛油烤雞嘅汁一齊食真係一流。飲品方便當然係飲奶昔(Lassi)啦，芒果奶昔同士多啤梨奶昔同樣細滑，飲得到生果嘅味道之餘亦有奶香。