爆丼丼 (已結業)

事隔八個月，又重遊舊丼！係荃灣食日本野，不外乎元氣同大鴻輝嘅放題，今次揀八個月前食過嘅爆丼丼，雖然位處隔涉，不過經歷左大半年嘅經營，依然健在，值得再光顧。因為上次經歷，今次叫左個迷你魚生飯（依舊有肥美三文魚，水準依然，同埋有帶子，今次帶子無雪味，過關！）迷你魚生飯size雖然細，不過飯量唔少架！另外叫左個四重爆丼，同上次一樣，海膽量比上次少，海膽呈鮮黃色，係新鮮嘅！雖然爆丼飯水準保持，但是今次價格明顯費左20蚊。小食方面揀左原隻汁燒魷魚，新餐牌，新鮮燒出，魷魚鬚方面燒得過了頭，太硬，不個魷魚身則剛好，又爽又彈牙！希望小店保持水準，繼續落去。