曉廚軒香港風味 (已結業)

鮑汁海鮮滑豆腐煲，同我想像既完全唔同喎，有點似八珍豆腐煲，等我巢巢有咩好野先！豆腐、魚塊、蝦仁、鮮魷、冬菇、鮑片、西蘭花、等等，好豐富喎！裝得滿滿的重量級煲仔菜！熱辣辣又多汁，撈飯良伴啦。鮑汁香甜帶海鮮味道，蝦仁、鮮魷雖屬雪藏貨色，但都不失爽彈。魚塊走過油香口有嚼勁，冬菇滑彈味濃，good！白飯香噴噴，煲得乾爽又飽滿，唔會濕淋淋，大愛！份量超多，撈晒碗飯我已經食唔落喇！原本我想飲埋燉湯架麻，唯有留返下次啦。