韓味屋

營業中

休息中

平日放lunch都好鐘意去呢間食，65蚊午餐韓國菜有小菜有湯refill，本身都無乜嘢。但呢幾日去到間野，就比其中一個店員既態度嚇親。只不過睇餐牌多1分鐘咋，個店員講：嗌得未呀？態度好硬又串，可能放lunch多客想我哋快啲，我都接受到既。以前小菜湯有得無限refill，宜家只係得一次性refill，仲要啱啱食完最後一啖飯吞落肚抹嘴就要執碗趕客走，都係同一個店員所為，希望餐廳留意翻。辣泡菜五花肉飯 4.5/5每次食都係呢個，辣得爽，送飯好味，白菜泡菜味道正宗又唔會太酸。地理:我知道其實有2間分店喺同一條街，我諗生意太好環境:裝修有趣，有高達既裝飾掛牆，配搭怪異，我諗可能屋企砌完無位擺放係餐廳價錢:65蚊有飯一大碟菜有小菜有湯有飲品，性價比高又好食。服務:部份員工態度惡劣，有待改善。