肥仔記麵家

營業中

休息中

唔係第一次食呢間，唔係特別好食都唔係特別差，賣嘅係典型嘅味精湯底粉麵，座位方面都算ok, 唔係嗰啲當啲客係農場動物，死塞爛塞。由於呢排食齋，所以簡簡單單嗌咗一個淨米粉同一碟通菜。個通菜正常，至於米粉個湯底，唔使講依然係味精貨色。食到碗底，突然見到有一條綑米粉嘅繩，諗住算啦，點知個口有塊野咬極唔爛， 吐出嚟一睇，原來係一塊膠紙！即係我將啲膠水食晒落肚？唔怪得食飯時間都唔多人。永遠blacklist呢間野嘅所有分店。