Delite Long Ping Bistro (已結業)

生日原本想同朋友食元朗國，點知人地八點就關門，近近地去咗隔離long ping食。入到去，餐廳播歌好大聲好嘈，bar and restaurant 嘅格局但真係好黑，隔離枱唔係飲酒講野好大聲，就係小朋友係咁係到大聲假喊...我知，呢d唔係餐廳問題，但我哋8:20落單叫餐，8:45先嚟個沙律同雞翼，食完計時，然後又再等半個鐘，差唔多9:30先見到個豬肋骨同三文魚扒一齊出...其實間餐廳唔係坐滿人，但得一個侍應，一個bar tender 應該係經理嚟，係咪廚房都係得一個師父去煮？乜都慢到不得了。食完主菜，跟住個甜品就嚟得最快，但食埋都差唔多十點，餓到已經諗緊宵夜食乜好。其實佢樣樣野都好食，但環境唔好坐，等野食等得過份耐，我就真係唔想再去喇。