精點滙 (已結業)

一家廿人老少同堂食開年飯。因為有預先訂佐位，一到就入座，當然唔可以俾婆婆企住等在年初呢個酒家旺季，侍應、經理、廚師嘅手永遠停唔底，不過都招乎周到，櫈都未坐暖就送上茶水同汽水啤洒，招手一陣就有人過黎，唔會唔睬你環境倒是還可，無咩裝潢，不過清潔，不太擠。上菜非常快，啱啱食完下―碟就會到。首先上嘅乳豬拼盆，不過不失，我幾鍾意佢無落太多豉油。之後嘅蟹肉雙喜翅無太大驚喜，有的似碗仔翅。上湯焗龍蝦伊麵十分足料，伊麵配上龍蝦湯汁十分好吃。其他菜式還有翡翠腰果帶子、蜜瓜奶拼香橙骨、蠔皇金錢鮑片、清蒸龍躉、帶子黑松露炒飯。最喜歡的是脆皮一品燒雞，咬下去外皮香脆，肉嫩多汁，配上少許檸檬汁，鹹中帶些許酸味，更增添風味，即使是飽了也硬撐著吃了數件