名苑酒家 (已結業)

睇呢間餐廳門面幾靚，D野食睇落幾好，但嚟咗呢間公司咁耐一直都無食過，於是晏晝去試吓。收銀嗰位姐姐同我講，話我可以預先打電話落單，咁樣我就唔駛等，點知我去到餐廳佢地先同我落單，咪又係要等？！咁同我落到去先叫有乜野分別呢？買左個「香茅豬扒炒米」，返到公司打開飯盒已經知道衰咗。塊豬扒本身已經細，仲剪開左五條，每條只得朱古力手指咁大；蔥同芽菜得兩三條；最多的係米粉。豬扒又鞋又韌，不但食唔到有香茅味，仲連鹹味都無，好懷疑佢地究竟有無醃過；米粉一D就好油、一D又好乾身，總之成個粉好難食。我無勇氣試第二次啦。