影片
更多
2021-03-12
248 瀏覽
最近轉左去金鐘返工，呢邊lunch嘅選擇已經唔算多，想搵到抵食嘅就難上加難。今日同同事行到去海富嘅2樓，發掘到原來有個專門賣外賣飯嘅角落，大約有四至五間店舖，而我哋隨機咁揀左呢間美樂小食嚟試。店舖的門面十分簡潔，感覺比較偏向住家餸嘅感覺，門口貼住每日嘅菜單。食物嘅選擇就係自選兩餸飯($46)，每日大概有8款選擇。今次分別揀左叉燒配雜菜同埋韓式泡菜豬肉配雜菜，同事另外仲加左個糖水。飯嘅賣相都算唔錯，叉燒望落去似太瘦但食落又幾夠淋，而泡菜豬肉味道亦相當惹味，但味道就唔太似韓國味嘅泡菜豬肉。湯同糖水方面味道做得唔錯，唔會太味精湯；糖水嘅甜度都岩岩好，食落帶點滋潤，但唯一美中不足係唔夠熱。整體來講，以咁嘅價喺呢區都已經算性價比高，食到簡簡單單嘅兩餸飯又有湯水飲。
今日同同事行到去海富嘅2樓，發掘到原來有個專門賣外賣飯嘅角落，大約有四至五間店舖，而我哋隨機咁揀左呢間美樂小食嚟試。
店舖的門面十分簡潔，感覺比較偏向住家餸嘅感覺，門口貼住每日嘅菜單。食物嘅選擇就係自選兩餸飯($46)，每日大概有8款選擇。
今次分別揀左叉燒配雜菜同埋韓式泡菜豬肉配雜菜，同事另外仲加左個糖水。飯嘅賣相都算唔錯，叉燒望落去似太瘦但食落又幾夠淋，而泡菜豬肉味道亦相當惹味，但味道就唔太似韓國味嘅泡菜豬肉。
湯同糖水方面味道做得唔錯，唔會太味精湯；糖水嘅甜度都岩岩好，食落帶點滋潤，但唯一美中不足係唔夠熱。
整體來講，以咁嘅價喺呢區都已經算性價比高，食到簡簡單單嘅兩餸飯又有湯水飲。
張貼
