影片
更多
2021-05-12
103 瀏覽
呢段時間完全冇得去旅行，往年我去日本同埋台灣嘅時候，我成日都會去一啲咖啡店度坐成日，感覺非常之舒服！最近我喺銅鑼灣發現到一間新嘅餐廳入到去原來佢第一層係coffee shop，第二層係Salon加餐廳，感覺上同日本嘅咖啡店好相近，食嘢仲可以整埋頭髮，可以Relax足一日！上星期我就同朋友喺佢樓上2樓嘅餐廳食咗個新Menu嘅lunch跟住落去飲咗杯咖啡打卡影相! 講返佢個lunch，佢嘅頭盤有一個日本水果🍅蕃茄沙律，佢係用日本進口嘅蕃茄自製嘅Pesto，而伴菜係用我好鍾意食嘅冰菜！呢個沙律係成個lunch我最鍾意食嘅一道菜，因為佢啲🧀芝士粒配上冰菜，岀奇地夾！做頭盤剛剛好，令到我更加開胃，感覺好Fresh！主菜有香煎紅鯛魚南瓜意式燴飯，Risotto口感帶點煙韌，唔會太硬，墨魚汁唔係太濃烈，魷魚本身彈牙，程度是我喜歡的，紅鯛魚嘅熟到啱啱好，魚身本身新鮮嫩滑！個人本來唔係太鍾意食南瓜，但係呢個墨魚汁配上南瓜燴飯感覺好特別，比我想像中好食好多！🍽最後就係英式有子乳酪佢配上朱古力鬆脆個乳酪，感覺好清新，乳酪味道唔會太甜！🥛🍨其實食完餐飯一啲都唔覺得油膩，因為佢嘅配搭非常之好，我自己覺得食Set
最近我喺銅鑼灣發現到一間新嘅餐廳入到去原來佢第一層係coffee shop，第二層係Salon加餐廳，感覺上同日本嘅咖啡店好相近，食嘢仲可以整埋頭髮，可以Relax足一日！
上星期我就同朋友喺佢樓上2樓嘅餐廳食咗個新Menu嘅lunch跟住落去飲咗杯咖啡打卡影相!
講返佢個lunch，佢嘅頭盤有一個日本水果🍅蕃茄沙律，佢係用日本進口嘅蕃茄自製嘅Pesto，
而伴菜係用我好鍾意食嘅冰菜！呢個沙律係成個lunch我最鍾意食嘅一道菜，因為佢啲🧀芝士粒配上冰菜，岀奇地夾！做頭盤剛剛好，令到我更加開胃，感覺好Fresh！
主菜有香煎紅鯛魚南瓜意式燴飯，Risotto口感帶點煙韌，唔會太硬，墨魚汁唔係太濃烈，魷魚本身彈牙，程度是我喜歡的，紅鯛魚嘅熟到啱啱好，魚身本身新鮮嫩滑！個人本來唔係太鍾意食南瓜，但係呢個墨魚汁配上南瓜燴飯感覺好特別，比我想像中好食好多！🍽
最後就係英式有子乳酪佢配上朱古力鬆脆個乳酪，感覺好清新，乳酪味道唔會太甜！🥛🍨
其實食完餐飯一啲都唔覺得油膩，因為佢嘅配搭非常之好，我自己覺得食Set lunch除咗食物味道keep到之外，其實擁有一個點樣嘅配搭係可以令到客人食完之後唔會飽到好辛苦咁樣，就呢一個係其中一個好重要嘅要訣！
喺銅鑼灣區來講佢個Menu算係中等嘅，價錢我自己覺得佢所有嘢都比我想像之中好，不得一提，餐廳除咗搵咗米芝蓮三星嘅廚師過嚟做呢度嘅大廚，就係服務嘅態度，我自己覺得佢哋想每一道菜都會介紹一下！我覺得非常之有熱誠下次，大家都可以去幫襯下！
最後餐酒🥂叫左Giavi2019，味道非常清香配上優雅嘅起泡，比多杯我都可以！
一樓嘅打卡位可以飲杯咖啡☕️，咁就完成咗一個好完美下午！
張貼
