饗11 (已結業)

銅鑼灣性價比高鐵板燒🐰揀左SetD一人前$880，而且餐廳做緊優惠有75折，成件事就更加抵了！鐵板燒就是邊食看著師傅烹調既過程，多方面享受！🥕前菜沙律菜新鮮食落好清新。刺身3點有帶子、吞拿魚和三文魚，每件都好厚切又新鮮。蒸蛋非常香滑重蛋香，加上有魚籽、蟹柳等更加有鹹香提鮮。🥕海鮮帶子非常新鮮厚肉，肉質嫩滑配有香草汁和檸檬。銀鱈魚上插住一塊煎得非常香脆可口既魚皮，係滿滿既骨膠原呀～銀鱈魚配有黑松露蛋黃醬好香黑松露味、檸檬又可以中和油膩感更加清新既感覺，銀鱈魚煎得剛好又大塊，食落好滑不會鞋身，重點冇骨啖啖魚肉勁正，口腔滿滿魚油香。深海虎蝦非常大隻新鮮，肉質爽口彈牙，蝦頭更是滿滿既蝦膏，而且睇住師傅拆蝦手勢一流，視覺享受好正。🥕A4和牛薄燒+炒野菜和牛雪花紋理好靚，揀左5成熟，中間包住滿滿炒好左既蔥花乾蒜，一啖食落口好滿足，和牛燒得剛剛好，爆出滿滿和牛香。🥕炒飯加左滿滿既櫻花蝦及其他配料，炒到粒粒分明軟硬度適中，味道不會太鹹，有時候用漬物送飯都係不錯既選擇。麵鼓湯飲落幾好，因為不會太鹹。🥕是日甜品蜜瓜已經非常熟稔香甜再配上椰子雪糕非常濃郁有椰子絲、有士多啤梨和藍莓點綴，完美總結今晚既晚餐哦！