影片
更多
2024-05-10
14631 瀏覽
今個星期就係母親節啦💐，未諗到去邊可以考慮吓食放題啊😋！星期一至四晚市6:30後入座$298/位，星期六、日同公眾假期就$318/位，有前菜、刺身、壽司、卷物、一品料理、炸物、燒物、煮物等等。出面自助區有沙律、麻辣小食、凍海鮮等等，甜品櫃仲有多款奶凍、糯米糍等等，仲有Häagen-Dazs杯裝雪糕同韓國牌子雪條任食添啊！飲品櫃都有超多款飲品，仲有自家製珍珠奶茶同冷泡茶，珍珠奶茶香濃好飲🧋！如果你係榴槤控一定唔可以錯過呢度嘅燒榴槤，店員拎出嚟嘅時候仲熱到噴煙㗎，大大粒軟滑香甜，一試難忘💛～🦐前菜有泰式虎蝦同柚子汁海蜇，泰式虎蝦蝦肉爽彈配上泰式酸汁幾開胃。海蜇係一片片，口感爽脆沾上柚子汁🍊，味道清新✨。🐟刺身有三文魚、油甘魚、馬刀貝、赤貝、甜蝦、赤蝦、帶子等等。三文魚切得厚食，食落好有口感，仲好肥美添😍！馬刀貝同赤貝爽口鮮甜，帶子雪白新鮮而且鮮甜美味！🔥燒物一定要嗌燒鰻魚、川色廣島蠔🦪、皇牌燒乳鴿！鰻魚厚肉彈牙，上枱時仲暖暖地🤎！川色廣島蠔蠔肉飽滿多汁，加埋上面嘅炸蒜🧅同辣椒🌶️，食落好惹味😋。乳鴿即叫即整熱辣辣，外脆內嫩，咸度剛剛好👍🏻。🧆炸物我哋最鍾意香芋丸同埋貓山王丸，香芋丸外層煙靭，
🦐前菜有泰式虎蝦同柚子汁海蜇，泰式虎蝦蝦肉爽彈配上泰式酸汁幾開胃。海蜇係一片片，口感爽脆沾上柚子汁🍊，味道清新✨。
🐟刺身有三文魚、油甘魚、馬刀貝、赤貝、甜蝦、赤蝦、帶子等等。三文魚切得厚食，食落好有口感，仲好肥美添😍！馬刀貝同赤貝爽口鮮甜，帶子雪白新鮮而且鮮甜美味！
🔥燒物一定要嗌燒鰻魚、川色廣島蠔🦪、皇牌燒乳鴿！鰻魚厚肉彈牙，上枱時仲暖暖地🤎！川色廣島蠔蠔肉飽滿多汁，加埋上面嘅炸蒜🧅同辣椒🌶️，食落好惹味😋。乳鴿即叫即整熱辣辣，外脆內嫩，咸度剛剛好👍🏻。
🧆炸物我哋最鍾意香芋丸同埋貓山王丸，香芋丸外層煙靭，內餡有滿滿嘅香芋泥。貓山王丸口感外脆內軟，榴槤味香濃，鍾意食榴槤嘅一定唔可以錯過💛！
🥢一品料理最愛食花雕醉鮑魚，鮑魚爽口彈牙配上調配得恰到好處嘅醉汁，好好味💕。
🍨甜品嗌咗雪燕蛋白燉鮮奶🥛，入口滑嫩而且唔會太甜。Häagen-Dazs杯裝雪糕當日有3款口味（雲呢拿、朱古力、咖啡）～
📍 極尚大喜屋 (銅鑼灣廣場一期) (銅鑼灣)
銅鑼灣軒尼詩道489號銅鑼灣廣場一期9樓
張貼
