影片
更多
2023-02-17
56 瀏覽
同friend行街最鍾意揀銅鑼灣，貪佢夠方便食肆又多。Sogo 附近人頭湧湧，所以轉咗去東角道搵食。無意中見到間外型非常新潮型仔嘅日式燒肉店，朋友仔即刻拍板決定係佢啦🤣店內乾淨整齊，裝修用咗霓虹燈同漫畫做點綴，真係幾有日本熱血嘅感覺。店中間放咗張長枱主打一人燒肉，而四周都有唔少嘅四人枱，真係自己放工食又得、約埋三五知己食都得😌一坐低，就俾佢嘅味架吸引咗，因為竟然有過十種調味料任君選擇，仲要同一牌子都可以有三隻口味揀，真係好有誠意🤩講返正題，食燒肉當然要食靚啲，我哋決定叫一個套餐再追加大量肉類🥰澳洲安格斯肉眼套餐 200g ($247): 非常滿意之選，特別係加咗$70升級左個套餐，所以有一碟滿滿嘅安格斯牛😍。安格斯牛雪花均勻而且唔油膩，而且牛肉味好重 (出面嘅牛有時食唔到牛肉味)，超值之選。海鮮三皇天 50g ($98) (甲羅燒🦀、大虎蝦🦐、扇貝☄️): 成個海鮮組合好豐富，亦特別俾佢個甲羅燒吸引咗。甲羅燒即係味噌釀蟹蓋，係日本傳統嘅燒烤美食，香港本土比較少見，滿滿嘅蟹膏香味入口甘香👍🏻。大虎蝦同扇貝都係鮮味十足，而且亦都好大隻，呢個組合簡直冇得頂。美國牛板腱 50g ($38): 個
Sogo 附近人頭湧湧，所以轉咗去東角道搵食。無意中見到間外型非常新潮型仔嘅日式燒肉店，朋友仔即刻拍板決定係佢啦🤣
店內乾淨整齊，裝修用咗霓虹燈同漫畫做點綴，真係幾有日本熱血嘅感覺。店中間放咗張長枱主打一人燒肉，而四周都有唔少嘅四人枱，真係自己放工食又得、約埋三五知己食都得😌
一坐低，就俾佢嘅味架吸引咗，因為竟然有過十種調味料任君選擇，仲要同一牌子都可以有三隻口味揀，真係好有誠意🤩
講返正題，食燒肉當然要食靚啲，我哋決定叫一個套餐再追加大量肉類🥰
澳洲安格斯肉眼套餐 200g ($247): 非常滿意之選，特別係加咗$70升級左個套餐，所以有一碟滿滿嘅安格斯牛😍。安格斯牛雪花均勻而且唔油膩，而且牛肉味好重 (出面嘅牛有時食唔到牛肉味)，超值之選。
海鮮三皇天 50g ($98) (甲羅燒🦀、大虎蝦🦐、扇貝☄️): 成個海鮮組合好豐富，亦特別俾佢個甲羅燒吸引咗。甲羅燒即係味噌釀蟹蓋，係日本傳統嘅燒烤美食，香港本土比較少見，滿滿嘅蟹膏香味入口甘香👍🏻。大虎蝦同扇貝都係鮮味十足，而且亦都好大隻，呢個組合簡直冇得頂。
美國牛板腱 50g ($38): 個人當晚嘅首選。牛板腱肉質有韌性而且牛肉味最出，油脂更能帶出肉質嘅甘香，辨別度最高，實為一流之選。
美國牛胸腹 50g ($19): 以套餐配搭所以可以半價享用。亦係相當出色嘅肉類，牛胸腹肉質嫩滑有彈性，口感細膩實在一試難忘。
南美洲牛舌 50g ($38): 燒烤又怎能忘記牛舌？燒過嘅牛舌外脆內軟，但咬落完全唔會渣或者過韌，推薦。
西班牙豚五花 50g ($38): 雖然牛肉係我嘅真愛，但應該會無人燒肉嘅時候會忘記五花豚肉😍 油脂均勻而且味道一流，個人覺得比韓燒店更加出色。
亞洲豬頸肉 50g ($38): 性價比超高。豬頸肉大大件而且非常彈牙，難怪友人指定要嗌豬頸肉啦。
飲品方面就叫咗Asahi 啤酒 ($29)、Graph Soda ($15)同粒粒粟米湯 ($15)。啤酒而家都做緊特價，下次再嚟一定啤啤佢😚
平心而論，今日享受嘅肉質素係非常高🌟。燒到香噴噴之後，肉質鮮嫩而且肉汁滿溢，每一口都充滿着肉類嘅甘香，配上白飯或者生菜都非常match。坊間某些燒肉店肉類係燒烤過後會”乾噌噌”，或者會醃製味蓋過肉類嘅鮮味，但呢間店就保留到肉質嘅鮮味以及嫩滑度，實在為一次味覺嘅盛宴💗
俾個小貼士大家，靚嘅肉係唔需要太多醬汁，反而配簡單嘅柚子鹽就已經回味無窮。😋😋😋
而餐廳嘅水係採用咗日本嘅還原水機，聽到老闆講佢嘅食材都會用還原水處理，枱面嘅標籤亦都特別介紹大家享用，大家記住飲埋杯水先走啊😆
張貼
