無老鍋

營業中

休息中

我今日攞咗日假，同我兩個家姐去咗銅鑼灣食晏，大家姐話想食台灣正宗邊爐，我都好少中午打邊爐，就去V Point嘅無老鍋試一試佢聞名嘅冰淇淋豆腐白湯鍋，個湯底位位$78 ，但係湯底嘅豆腐同埋鴨血係90分鐘任食。個湯嚟到，餐廳侍應介紹個湯底嘅材料，又叫我哋試吓個湯底啲湯，我飲到少少當歸嘅味道，感覺好養生，湯底又夠甜，我忍唔住飲咗一碗😂！我哋點咗一個中午優惠套餐$368就有齊以下四款食物加2杯特色飲品，十分豐富，我哋三個女仔都食唔晒，而且食物質素非常高。餐廳而家做緊宣傳，只要你like佢個社交平台 專頁，就送你一碟脆炸竽圓黃金球。黃金球即叫即炸，見到個樣已經好吸睛，外脆內軟，不油不膩，我我自己一個人食咗三粒，獨自自肥🤭食完晒嘢，侍應嚟咗三杯水蜜桃沙冰，原來係送俾我哋打完邊爐之後清一清口腔嘅油膩感，唔好睇佢細細杯冇料到，佢真係好清新，飲完個口真係好Fresh! 雖然冇時間去台灣旅行，但係喺香港都可以食到正宗台灣邊爐，可以大快朵頤，坐得舒服，又可以同啲姊妹暢談暢飲，好正😊