影片
更多
2022-10-28
3354 瀏覽
最近又減肥，終於又來到呢個星期減肥計劃嘅cheat day! 我唔理！我一定要食好嘢😋本住呢個要食好嘢嘅心💛我就諗返起上次去銅鑼灣睇到馬場景嗰間睿私房菜 @chillprivatecuisine ，又想去嗰度邊睇銅鑼灣夜景邊食好嘢，於是就約朋友去嗰度食餐好嘅😋彌補我呢兩個星期減肥嘅辛苦（其實一啲都唔辛苦，自己喺度扮慘😝）我哋點咗佢一個晚市套餐，個名叫「愛的永恆盛宴」（$688/一位）個名好有母親節feel💕🤣下次要再同阿媽嚟食得，不過見到佢個餐啲嘢食好啱我食，有海鮮又有豆腐咁，我唔理啦，好肚餓，通通同我上晒佢！🧆黎呢度必點嘅係佢嘅冰鎮黑豚肉咕嚕肉，雖然佢嘅套餐冇包，但係我都要另外叫一碟，因為真係好好食😋首先佢嘅賣相已經好吸睛，用冰鎮咕嚕肉仲要有啲乾冰冒煙，打卡一流，佢嘅咕嚕肉粒粒都炸到外脆內嫩，同埋佢嘅脆身係放咗好耐都仲好脆嗰隻，勁👍 中間嘅黑豚肉肥瘦均勻，咬落去好Juicy，好睇又好食嘅一道餸，不過食多幾舊都會有啲漏，所以可以食返啲伴住的提子菠蘿解膩，又再食過🤣🦪頭盤係酒香花螺同埋霸王相思甲，個花螺酒味同鹹味都幾濃，個花甲就味道相對淡啲，靠上面啲欖菜吊返出個味🧆玉掌拼南非八頭鮑魚，鴨
最近又減肥，終於又來到呢個星期減肥計劃嘅cheat day! 我唔理！我一定要食好嘢😋本住呢個要食好嘢嘅心💛我就諗返起上次去銅鑼灣睇到馬場景嗰間睿私房菜 @chillprivatecuisine ，又想去嗰度邊睇銅鑼灣夜景邊食好嘢，於是就約朋友去嗰度食餐好嘅😋彌補我呢兩個星期減肥嘅辛苦（其實一啲都唔辛苦，自己喺度扮慘😝）
我哋點咗佢一個晚市套餐，個名叫「愛的永恆盛宴」（$688/一位）個名好有母親節feel💕🤣下次要再同阿媽嚟食得，不過見到佢個餐啲嘢食好啱我食，有海鮮又有豆腐咁，我唔理啦，好肚餓，通通同我上晒佢！
🧆黎呢度必點嘅係佢嘅冰鎮黑豚肉咕嚕肉，雖然佢嘅套餐冇包，但係我都要另外叫一碟，因為真係好好食😋首先佢嘅賣相已經好吸睛，用冰鎮咕嚕肉仲要有啲乾冰冒煙，打卡一流，佢嘅咕嚕肉粒粒都炸到外脆內嫩，同埋佢嘅脆身係放咗好耐都仲好脆嗰隻，勁👍
中間嘅黑豚肉肥瘦均勻，咬落去好Juicy，好睇又好食嘅一道餸，不過食多幾舊都會有啲漏，所以可以食返啲伴住的提子菠蘿解膩，又再食過🤣
🦪頭盤係酒香花螺同埋霸王相思甲，個花螺酒味同鹹味都幾濃，個花甲就味道相對淡啲，靠上面啲欖菜吊返出個味
🧆玉掌拼南非八頭鮑魚，鴨掌同埋鮑魚都炆得非常之入味而且好腍，每一啖都食得出廚師花嘅功夫，非常享受😌
🥗香芒鍋巴斑球，鍋巴超香脆，唔油膩，斑球鮮嫩上面係沙律醬，好開胃，同埋另外有一碟雜菇炒蜜糖豆，食啲菜清下再食下一道。
🧆蝦子琵琶豆腐，佢首先將啲蝦子同埋肉打成琵琶豆腐，再淋一啲蝦子汁落去，有蝦子味嘅鹹鮮同豆腐嘅嫩滑，我鍾意呢一道啊！
🦪清酒蒸元貝皇，隻元貝冇我想像嘅咁大隻，不過食落都幾鮮甜，飲埋啖清酒同元貝嘅精華先至係重點🍶
🍛鮮蟹肉蟹殼焗飯，蟹殼細細，中間裝滿炒飯，再鋪滿啲芝士去焗，幾精緻
🍮白芝麻布甸，呢個我好鍾意喎！出面食嘅甜品好多都係用黑芝麻整嘅，難得佢呢度係用白芝麻，味道係濃郁得來唔算好甜，特別又好食，好有記憶點💛
食飽飽好滿足😋食完呢餐正嘢作為獎勵自己，我又燃起返減肥嘅鬥志啦，我記番起我減肥嘅初衷就係為咗要食更多好嘢食，我之後會繼續努力㗎喇，Ursh ursh!!💪💪💪
張貼
