四寶食堂 (兆安廣場)

營業中

休息中

前排夜晚去咗銅鑼灣嘅四寶食堂食晚餐。餐廳以湖水藍作為主色，牆身更設有一道花花牆，裝修都算幾有心思。座位方面都幾寬落，唔會坐得太逼夾。餐廳menu除咗提供港式茶餐廳嘅嘢食外，仲會有埋西式扒餐等，選擇都幾豐富。我地今次就叫咗兩個西式扒餐，套餐除咗有主食，亦包埋餐湯、配菜同飲品。🔻栗米忌廉湯🔻香煎加拿大豬柳拼板燒紐約雞扒味道：8/10價錢：$88豬柳份量都幾大，嫩滑多汁，肉質唔會太鞋口。而雞扒肉質鮮嫩味道不錯。配菜方面我就揀咗牛油粟米同德國薯仔沙律，兩款味道都唔錯，尤其牛油粟米好香嘅牛油味。另外仲加咗$15選配餐廳嘅黑蒜麻油撈公仔麵，面頭嘅香蔥加上黑蒜麻油係幾好味！飲品我就揀咗凍檸茶。🔻板燒頂級美國封門牛柳味道：9/10價錢：$188落單前店員會細心問下我地想要幾成熟，我地今次叫咗5成熟。整體份量都大份，幾適合1-2人share食。封門柳肉色呈深紅色，肉汁幾豐富，油脂較少但幾香肉味，有啲估唔到可以係茶餐廳食到呢個水準嘅封門柳。配菜方面就揀咗田園沙律同原個燒蒜，味道都唔錯。而飲品就揀咗熱檸水。