HeSheEat (銅鑼灣地帶)

營業中

休息中

放工黎左銅鑼灣食晚飯，去左hesheeat，一次過滿足2個愿望，又甜品又西餐！先黎的西瓜益力多，飲落酸酸甜甜，好開胃，入面有滿滿的西瓜肉，粉紅色的一杯，好refresh。香煎三文魚明太子忌廉燴扁意粉份量絕對有誠意，三文魚扒大大件鋪面，而且好夠厚，魚皮煎得微焦帶脆。蟹子和野菌增加口感，意粉軟硬適中，精粹在其creamy醬汁，充滿奶香！成碟都好啱我口味！燒原隻黑松露春雞配薯條上枱一刻就松露飄香，春雞皮薄，所以雞皮好香口，雞肉滑嫩，烤得出色！加上薯條又新鮮熱辣，好惹味！肉桂蘋果拿破崙甜品係呢度的招牌，不但款式多，造型亦靚！拿破崙個酥皮超脆，入面啲cream好香蘋果肉桂味，結實又夠滑，最畫龍點睛係啲杏仁碎，超脆又香口，真係出色過好多酒店出品！宇治抹茶黑芝麻梳乎厘班戟班戟又係另一必點，梳乎厘2層，十分Q彈！口感輕軟，香甜味道彌漫。配抹茶醬有如瀑布滿瀉，真係好食！仲有紅豆蕨餅，粉圓，都係煙靭口感，成個班戟口感好豐富，甜品愛好者不可錯過！