影片
更多
2022-11-09
39 瀏覽
朋友知我10月生日話要同我食餐好既，book左呢間位於香港銅鑼灣皇冠假日酒店入面既意大利Fine Dining餐廳，由師承自多家米芝蓮星級餐廳、擁有逾20年烹調高級意大利菜廚藝經驗既資深主廚主理，餐廳裝修已經別具氣派，而且食物擺盤用心又精緻，同朋友聚會或者慶祝特別日子就最好不過MARINATED SHIMA-AJI with Oscietra caviar and tomato emulsion ($380)深海池魚先用柚子、檸檬同橄欖油醃製，肉質鮮嫩彈牙，大廚加入自家製既泡沫番茄醬汁，再配上矜貴既魚子醬，口感層次非常豐富，作為前菜夠哂開胃HOMEMADE FETTUCCINE with Pata Negra ham, Datterino tomatoes and Burrata cheese fondue ($290)私心推介大家一定要試下佢地既手工意粉，之前上Cooking Class學過整手工意粉就知道好食既意粉得來不易，手工意粉口感會更加彈牙，主菜就叫左佢地既Homemade Fettuccine，闊條麵煮到Al Dente 既狀態，配上開胃既番茄汁同Burrata Chees
朋友知我10月生日話要同我食餐好既，book左呢間位於香港銅鑼灣皇冠假日酒店入面既意大利Fine Dining餐廳，由師承自多家米芝蓮星級餐廳、擁有逾20年烹調高級意大利菜廚藝經驗既資深主廚主理，餐廳裝修已經別具氣派，而且食物擺盤用心又精緻，同朋友聚會或者慶祝特別日子就最好不過
MARINATED SHIMA-AJI with Oscietra caviar and tomato emulsion ($380)
深海池魚先用柚子、檸檬同橄欖油醃製，肉質鮮嫩彈牙，大廚加入自家製既泡沫番茄醬汁，再配上矜貴既魚子醬，口感層次非常豐富，作為前菜夠哂開胃
HOMEMADE FETTUCCINE with Pata Negra ham, Datterino tomatoes and Burrata cheese fondue ($290)
私心推介大家一定要試下佢地既手工意粉，之前上Cooking Class學過整手工意粉就知道好食既意粉得來不易，手工意粉口感會更加彈牙，主菜就叫左佢地既Homemade Fettuccine，闊條麵煮到Al Dente 既狀態，配上開胃既番茄汁同Burrata Cheese，意粉上面更鋪左滿滿的伊比利亞風乾火腿，鹹香十足
CHOCOLATE AND HAZELNUT with caramelized hazelnut, praline and hazelnut gelato ($150)
甜品方面我地就揀左個Chocolate and Hazelnut，用上殿堂級朱古力品牌Valrhona，可可味非常香濃，再加入榛子味雪糕，唔會太甜又夠夾，好高質
張貼
