一瀧 (已結業)

我去咗一間位於銅鑼灣登龍街嘅高級日本菜居酒屋，叫做一瀧。佢嘅裝潢特別吸引，仿佛重現咗日本江戶時代嘅風格，大量嘅楓葉掛吊喺天花上，加上仿日本城堡嘅牆身設計，真係有置身日本嘅感覺。座位方面，有啲座位用塌塌米嘅形式，需要食客除鞋先可以座上去，但係特別嘅係可以將腳伸入去枱下嘅設計，好貼心。如果你想欣賞楓葉，都有一行幾張座位係楓葉之下，可以特別order。食物方面，除咗固定menu牌，亦有時令食物，廚師特別推介。刺身類別較多，有海膽、牡舟蝦、帆立貝等魚刺身質素高，魚脂濃郁，入口快溶，值得推介。另外，鰻魚鵝肝墨汁卷嘅用料特別吸引，味道好好。但系份量唔算太多，建議同朋友一齊試多啲款式。剌身方面，一瀧極上活魚刺皇 質素都非常高。除咗食物，一瀧布甸 嘅造型好可愛，雞蛋形既訪透明玻璃器皿裝住，甜度適中，份量較小。飲品方面，bubble iced tea 味道有少少似椰果，甜度適中，店員會係你面前用機器吹起一個半圓嘅泡泡落去飲品上，好有打卡價值。一瀧嘅環境、服務及食物質素都非常高，值得推薦。服務方面，普遍侍應都好禮貌，有一位女侍應好健談，亦為主動為食客介紹一D適合當日天氣既食物，好細心。成餐飯都食得好舒服，