金牌源記 (已結業)

✔🌟 金牌源記鐵漢柔情，真材實料！平時我都唔會寫咁多字嘅食評，不過呢間真係又新鮮好食CP又高，而且仲要有店員服侍整埋比你食，真係好似佢門口嗰句咁平到唔信。龍蝦平時食唔係焗就炒，清蒸真係第一次，肉質好彈牙唔係急凍👍🏼十頭鮑魚好大隻好有口感，完全唔乾。我差d食埋朋友嗰隻🤪蒸鱔鱔唔係我杯茶因為怕多骨或鯹，不過食完頭先兩款都有驚喜位，就膽粗粗試埋。好彩有試，肉好滑滑到有D似食蒸魚嗰D面豬仔咁。海蝦我唔知D蝦邊度黎，淨係知好甜😱龍躉魚皮唔夠多，不過勝在啖啖肉而且少骨，啱我😬鹽水大蜆隻隻都好大，比花甲甜，老闆話唔係香港本地。梅菜菜心中埸休息～菜唔老～快上下一道！🤣蒜蓉扇貝＋蟶子皇通常出面食都係只可以二選一，今次呢個海鮮餐兩樣都有😍長筒魷魚拼腸粉魷魚有啲似平時茶樓食嗰啲蒜蓉蒸“鮮”魷，不過呢個真係鮮好多！下面仲有吸收D魷魚汁腸粉，多種口感食法荷葉蟹飯盤荷葉飯唔同係呢塊荷葉用黎執底托住d飯同蟹汁去吸收，而唔係包住（其實隻蟹咁大都應該冇咁大塊葉包🤣）真係有成隻蟹喺𥚃面，唔係蟹肉蟹柳！