圓香

營業中

休息中

夜晚揾野食，因為果頭都係新居入伙，個商場啲舖頭都開哂，見到呢間餐廳款式多價錢合理，仲有酸菜魚食，就入去試下啦。話哂都係新舖，環境都叫乾淨企理嘅，啲位都唔算太逼，坐落都舒服。除了幾個小菜之外，重頭戲就係個酸菜魚，上菜係用個長方形盤裝住再用爐keep住加熱，入面係一條完整有頭有尾，炸過嘅魚。辣度任君選擇，咁我地就叫左微辣，食落係夠味，有酸、辣、麻，啱哂我呢啲中意食酸辣重口味野，但又唔係真係好食得辣嘅人過下口癮。配菜就有芽菜、木耳、豆卜、金針菇、萵筍，食落都好入味。整體不錯，但係飲品就比較遜色，柚子蜜同檸檬茶都好淡味。