滬揚川上海料理

營業中

休息中

呢條街有幾間餐廳，成日經過都未試過， 揀左上海菜試下， 餐廳環境乾淨闊落， 款式尚算多選擇， 但小菜唔跟飯， 晚市無套餐，米飯1碗$12， 可惜呢間冇菜飯。見小食雲吞、小籠包、鍋貼都好大份， 6件個皮好厚， 個人比較鐘意食薄皮小籠包， 所以冇試。-♡鱔糊炒飯 $85預期中抄飯會撈埋一碟， 但呢間係蛋炒飯加鱔糊鋪面， 炒飯唔香， 但鱔糊汁好好味， 撈飯食好開胃， 鱔糊彈牙， 芽菜好爽好入味。-♡排骨擔擔面$60提提大家個湯要撈起， 個底勁多花生醬， 不過撈完會好咸😂 個排骨好特別， 唔係一塊炸完再切件， 係切完小塊再炸到每面黃金色， 唔會好油， 但個皮唔係特別好食😂