蘇媽.蘇媽馬來西亞茶餐室 (已結業)

前兩日同朋友去開銅鑼灣買野，就順便去左呢間人氣馬來西亞菜食lunch。呢到嘅lunch都幾抵食，大部分主食嘅價錢同單點一樣，但就有飲品送。檳城白咖哩麵$62麵底方面我地改左要滲渗，咁就又有米粉，又有油麵食。白咖喱嘅湯底飲落甜甜地有好重嘅椰香味，配埋特色参巴醬，辣辣地好開胃。配料方面有豆角、芽菜、魚蛋、蝦、蛋、豬紅，都幾多野食。辣死你嗎配咖哩雞肉$66呢個其實就冇想像中咁辣嘅。咖哩雞肉份量好多，另外仲有青瓜、花生、乾魚仔、蝦片、蛋，撈埋參巴醬同椰漿飯一齊食好開胃。呢個係一個會令人食完之後都想再食嘅飯。椰香咖央多士+$20Lunch加配呢個咖央多士只係需要$20，好抵食。烘得香脆嘅多士夾住厚厚嘅咖央醬同埋牛油，有啲邪惡，但甜甜地好好食。馬拉沙嗲串燒/3串$52我地揀左豬牛雞各一串，有沙爹醬可以點黎食，串燒啲肉好滑嫩，好食。馬來西亞拉茶（熱）叫左少甜，飲落幾香滑。