舍

營業中

休息中

想試下食omakase，但晚巿又太貴。今次搵到間係銅鑼灣鬧市，價錢又平民，又有lunch set既餐廳。一入到餐廳既感覺已經係好舒服，木系裝修既簡約又療癒，食好野之外仲食埋個環境。入主題，叫左個lunch set 「雪 」，先黎前菜沙律夠醒胃，溫泉蛋加配柚子汁好清新。季節刺身3款分別有魴鮄魚爽口彈牙，深海池魚夠肥美，加埋紫蘇花一齊食，臭覺同味覺同時享受。最後一款鯖魚師傅會輕輕燒一燒，帶出番佢既油香。三款刺身都非常新鮮，師傅都會詳細介紹同埋會分享埋點樣食先至好食。然後到壽司6貫，先黎有左口魚作為第一款壽司，味道幾淡口，加埋左口魚鰭邊，都幾有魚油香味。金目鯛魚質比較結實，幾有魚既鮮味。甜蝦三重奏分別有甜蝦，甜蝦剁成既蝦肉蓉，再加上櫻花蝦乾碎，呢款壽司我最喜愛。之後去到秋刀魚，秋刀魚會較腥，但係師傅加上薑蔥減去腥味，以佢嘅薑味好重，中意薑味既岩哂。拖羅唔洗多講都個高級野，見住師傅切緊既時候都流晒口水，唔洗加任何配料，已經食得出去好新鮮肥美，口感一流。最後一道係北海道根室海膽，留意佢既紫菜比一般脆口，所以唔好影咁耐相，如果唔係會影響佢嘅質素，佢嘅海膽係我食過最好食嘅海膽，入口即溶就係呢個感覺。