家賀屋

✨朋友約去銅鑼灣行街，我話想食日本野，朋友就建議食呢間餐廳，喺怡和街附近超方便👍🏻 入到去感覺好舒服，仲會播住日文歌好啱聽🇯🇵✨橫綱刺身定食:刺身有唔同款，店員好細心咁同我哋介紹🍣 佢話師傅特選嘅刺身叫做真鯛、食落十分爽口。而吞拿魚腩同油甘魚入口肥美、仲有帆立貝同特大赤海老就非常鮮甜。定食仲包埋一碗湯烏冬、海帶味噌湯、胡蔴田園沙律🥗同埋日式燉蛋。烏冬係幼烏冬，口感特別。而日式燉蛋就非常嫩滑。✨北海道仙鳳趾生蠔係推介菜式：叫咗兩隻嚟試下🦪🦪 第一次食呢款生蠔，果然名不虛傳，超大隻食落超fresh!✨三文魚腩刺身：因為三文魚腩都係我哋嘅至愛，食落超肥美😋 另外值得一提嘅，係餐廳提供生磨山葵自己加落豉油碟，超新鮮！✨熱食方面，我哋叫咗清酒牛油煮蜆，啲蜆充滿濃郁嘅牛油味。我哋仲叫咗個自家焦糖玉子燒，第一次食玉子燒面頭有焦糖脆脆，好特別。最後，我哋仲叫啡鹽燒阿波尾酢橘雞腎串，好味道🤓✨甜品我哋就跟餐價吖咗個千層雲呢拿蛋糕🍰 食落一啲都唔漏呀。✨飲品我哋就叫咗鮮橙汁同細杯嘅中野梳打梅酒，酒精濃度唔高，啱晒我🤭🍶