影片
更多
2023-03-20
61 瀏覽
銅鑼灣·珍稀生雞肉他他備長炭燒鳥專門店炭火地雞 Yakitori25📍銅鑼灣登龍街28號永光中心25樓➰好歌推介「等不到天黑，煙火不會太完美，回憶燒成灰，還是等不到結尾。」.#她說 #林俊傑➰近日旅遊業經濟等都一一開始復甦，鬧市開始重拾舊時車水馬龍繁華景象，不過變相令到好多餐廳都一位難求，今日想食嘅依間餐廳位於銅鑼灣登龍街之中，附近餐廳食肆林立，但毫不例外都係排隊情況，因此都非常建議提早訂位，免得掃興。.今日食依間串燒專門店一入到餐廳就感受到係熱鬧氣氛，客人們舉杯盡興，完全係置身日本居酒屋盛況，不過枱與枱之間空間都足夠，各自形成一個小角落談天說地。餐廳裝飾佈置亦新潮玩味，配合木系餐桌形成對比令人有耳目一新嘅感覺。.就座後店員率先奉上一個質感精緻嘅串燒碟，碟上有各式醬料可以點串燒用，頓時令用餐環境更添雅緻，店員亦隨即熱心簡介一下餐廳特色及推介招牌必點菜式，餐廳使用日本備長炭，好處係高溫短火，迅速燒熟食物，由內至外均能保存食物嘅鮮味同肉汁，餐廳除左提供各類特式燒鳥，亦有其他豬牛海鮮種類可供選擇。➰飲品✥日式柚子烏龍茶 💲42 ⭐️4/5⭐️✥菠蘿冰乳酸 💲38 ⭐️4.1/5⭐️✥梅酒梳打 💲4
炭火地雞 Yakitori25
📍銅鑼灣登龍街28號永光中心25樓
➰好歌推介
「等不到天黑，煙火不會太完美，回憶燒成灰，還是等不到結尾。」
.
#她說 #林俊傑
➰
近日旅遊業經濟等都一一開始復甦，鬧市開始重拾舊時車水馬龍繁華景象，不過變相令到好多餐廳都一位難求，今日想食嘅依間餐廳位於銅鑼灣登龍街之中，附近餐廳食肆林立，但毫不例外都係排隊情況，因此都非常建議提早訂位，免得掃興。
.
今日食依間串燒專門店一入到餐廳就感受到係熱鬧氣氛，客人們舉杯盡興，完全係置身日本居酒屋盛況，不過枱與枱之間空間都足夠，各自形成一個小角落談天說地。餐廳裝飾佈置亦新潮玩味，配合木系餐桌形成對比令人有耳目一新嘅感覺。
.
就座後店員率先奉上一個質感精緻嘅串燒碟，碟上有各式醬料可以點串燒用，頓時令用餐環境更添雅緻，店員亦隨即熱心簡介一下餐廳特色及推介招牌必點菜式，餐廳使用日本備長炭，好處係高溫短火，迅速燒熟食物，由內至外均能保存食物嘅鮮味同肉汁，餐廳除左提供各類特式燒鳥，亦有其他豬牛海鮮種類可供選擇。
➰飲品
✥日式柚子烏龍茶 💲42 ⭐️4/5⭐️
✥菠蘿冰乳酸 💲38 ⭐️4.1/5⭐️
✥梅酒梳打 💲48 ⭐️4.1/5⭐️
✥梅酒加冰 💲48 ⭐️4.25/5⭐️
朋友今日表示唔想飲酒，就前後叫左兩杯無酒精飲品，柚子烏龍茶順喉，菠蘿冰乳酸冰爽解膩，仲有粒粒菠蘿係面，唔飲酒嘅朋友推薦一試。
.
而我前後就叫左兩杯梅酒，加梳打比較清爽，酒精感唔重，容易入口，而梅酒加冰則係用左富士山杯令吸睛度大增，亦加入梅漬提昇酸度，好推薦。
日式柚子烏龍茶
12 瀏覽
0 讚好
0 留言
梅酒加冰
4 瀏覽
0 讚好
0 留言
➰前菜小食
𖥕煙燻雞火腿他他 💲88 ⭐️4.3/5⭐️
係日本嘅時候有大膽挑戰過生雞肉刺身，估唔到香港都有餐廳做，餐廳表示雞肉他他嚟自日本低溫殺菌技術處理同真空空運到港，所以完全可以放心安全食物，雞肉他他上枱已經好吸引，伴上各式配料及月見蛋黃，令人垂涎三尺，撈勻各種配料之後放上紫菜入口，入口似煙三文魚質感，味道更加咸鮮，想試新野嘅朋友推薦一試。
煙燻雞火腿他他
20 瀏覽
0 讚好
0 留言
.
𖥕炸日本山芋 💲58 ⭐️4.1/5⭐️
擺盤精緻，外脆內嫩，芋香味濃，新鮮即炸仲冒住絲絲熱氣，配埋沙律醬更好入口。
炸日本山芋
5 瀏覽
0 讚好
0 留言
.
𖥕甘口嘉美雞全翼 💲48 ⭐️4.2/5⭐️
用上由香港開發嘅優質嘉美雞，原隻雞全翼脆炸後再淋上日式甜醬油，外皮酥脆，入口肉質爽口惹味，好推薦。
甘口嘉美雞全翼
8 瀏覽
0 讚好
0 留言
.
𖥕香脆雞皮配香蔥酸汁 💲58 ⭐️4.2/5⭐️
落單時以為係串燒雞皮，店員落單後過黎溫馨提示依份一份前菜小食，幫我地落左一份先，非常貼心，果然依份小食份量都唔惹少，雞皮酥脆咬感已經非常好食，配上香蔥酸汁更加醒胃，可以食多幾塊都唔怕膩。
香脆雞皮配香蔥酸汁
6 瀏覽
0 讚好
0 留言
.
𖥕雞肝醬多士(2人份) 💲48 ⭐️4.3/5⭐️
香脆多士配上濃香雞肝醬，醇香滋味，比起鴨/鵝肝醬更為清新，鐘意食肝醬嘅朋友推薦一試。
雞肝醬多士
26 瀏覽
0 讚好
0 留言
.
𖥕味淋魚乾 💲48 ⭐️4.2/5⭐️
味淋魚乾已經成為我去每間居酒屋必點菜式之一，今日餐廳水準亦非常唔錯，即點即燒，微焦煙韌帶脆，送酒一流。
味淋魚乾
23 瀏覽
0 讚好
0 留言
.
𖥕春菊及水菜沙律 💲68 ⭐️4.1/5⭐️
份量豐富，春菊及水菜亦比較少見，爽口解膩，用嚟中和串燒油膩非常唔錯。
➰串燒
餐廳主角當然係串燒部分，主要以燒鳥種類為主，其他豬牛及海鮮野菜類種類都有提供。
.
❀熟成雞腿肉(連雞蠔肉) 💲42 ⭐️4.3/5⭐️
一串2件嘅雞腿肉連雞蠔肉燒得外脆內嫩，一口一件非常滿足，因為用上備長炭關係，將肉汁充分鎖住，肉味份外濃郁，非常滋味，必點推薦。
.
❀雞頸 💲34 ⭐️4.2/5⭐️
近年開始見到燒鳥店提供雞頸肉亦會必點，同平時食到嘅雞肉相比完全唔同，非常爽口。
.
❀雞軟骨 💲30 ⭐️4.3/5⭐️
依度嘅雞軟骨串燒得非常之好，焦香微燶，色澤均勻，係近來食過少見高水準嘅雞軟骨，推介。
.
❀椎茸免治雞肉 💲38 ⭐️4.1/5⭐️
將免治雞肉釀入椎茸之中，無須過多咀嚼即可吞嚥，配搭燒汁好滋味。
.
❀牛舌蔥卷附月見 💲48 ⭐️4.1/5⭐️
❀鹽燒牛舌芯 💲58 ⭐️4.3/5⭐️
餐廳主打燒鳥，係牛舌控嘅我地亦都只挑選左兩串牛舌串燒一試，估唔到亦相當有驚喜，牛舌蔥卷包裹香蔥，香蔥吸收哂肉汁精華，好豐富淺味。而鹽燒牛舌芯用料優質，加上備長碳燒火喉精準掌握，牛舌芯爽口嫩滑肉味濃郁，非常惹味，牛舌控最愛。
.
❀豚肉紫蘇卷 💲34 ⭐️4.1/5⭐️
❀豚肉牛肉果卷 💲38 ⭐️4.1/5⭐️
兩串豚肉卷配抬亦都唔錯，前者紫蘇葉令豚肉串燒入口香氣層次更為提昇，後者搭配牛油果入口即溶之外更留有餘香。
.
❀炭燒白鱔 💲68 ⭐️4.2/5⭐️
餐廳海鮮選擇類唔多，但水準亦都不容小覷，白鱔串燒得色澤油亮，醬汁均勻，單憑肉眼已可分辨係高水準，咀嚼下果然煙韌爽滑，配搭燒汁惹味鮮甜，可以一試。
椎茸免治雞肉
9 瀏覽
0 讚好
0 留言
雞軟骨
8 瀏覽
0 讚好
0 留言
➰主食
親子丼 💲58 ⭐️4.3/5⭐️
見到餐廳竟然有親子丼，食完咁多串燒之後對餐廳出品都好有信心，就即管叫一碗試試，果然無令我地失望，親子丼份量適中，唔會過飽，蛋香濃郁多汁，雞肉非常嫩滑，係日本食到嘅水準，推薦一試，另外附有赤味噌湯。
親子丼
7 瀏覽
0 讚好
0 留言
.
濃香雞湯 💲32 ⭐️4.3/5⭐️
餐牌上仲有依碗雞湯單點，可見餐廳對自家出品相當有信心，咁啱朋友亦都想飲湯潤一潤喉，雞湯上枱並無太大驚喜，但一飲之下內有乾坤，雞湯濃而不膩，每啖都飲到濃湯精華嘅膠質，暖喉潤肺，難怪餐廳咁有信心將依碗雞湯放係餐牌上。
濃香雞湯
2 瀏覽
0 讚好
0 留言
.
➰甜品
最中餅 💲38 ⭐️4.1/5⭐️
兩塊脆餅之間放入濃郁抹茶雪糕伴紅豆，一份已經可以係兩人份量，抹茶雪糕非常濃香，恰好將串燒油膩感減去，用依個冰凍甜品為今餐作結正好。
最中餅
18 瀏覽
0 讚好
0 留言
.
➰總結
餐廳以燒鳥串作主打，用上備長炭令所有串燒都更為鮮嫩保持肉汁，係近期食過處理串燒方面做得最好嘅餐廳，加上特色生雞他他令人眼前一亮，甚至主食部分親子丼及雞湯都做得非常出色，而價錢定位亦合理，鐘意食高質串燒嘅朋友非常推薦依間燒鳥專門店。
.
➿➿➿
#炭火地雞 #Yakitori25
#旺角美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#炭の研究所
#煙燻雞火腿他他 #雞肝醬多士 #甘口嘉美雞全翼
#熟成雞腿肉 #雞軟骨 #鹽燒牛舌芯
#親子丼 #濃香雞湯
.
➿
世上偶遇也是重遇，祝大家拼命無恙🫶🏻
賣吓廣告先，一個90後偽文青鐘意食好西聽好歌去旅行😋🎵✈️
有興趣睇更多好西好歌好玩推介，或者大家有好嘢Share嘅🥳
請大家Follow下我IG，比D支持，多謝✨：@healoop.foodie
張貼
