老四火鍋小廚

營業中

休息中

香車街街市樓上的老四，我見電視節目都介紹過，最為人熟悉的係“人揸麵”但今次我冇叫到，因為得我和謙兩個食唔哂。難得上到來老四，緊係要炒d 鑊氣小炒啦！我和謙就叫左以下3款美食，但係太太大碟食唔哂，唔浪費的我們最後都係要打包。⚛ 酥炸沙薑雞（半隻）～ 上台時完全嚇親想點呀😅😅咁大碟，完全唔似得半隻，咬落外層超酥脆，入面雞肉就滑溜溜用沙薑醃過，味道幾好。⚛ 啫啫生菜煲 ～ 我最愛的啫啫煲，大量豬肉碎加蝦米仔爆得夠惹味，加上生菜新鮮夠爽甜，一定要食。⚛ 生炒海味糯米飯 ～ 謙謙講明要叫，因佢見到旁邊枱的人那碟超吸引，果然冇叫錯， 糯米飯來到嘗一口，粒粒軟糯吸收哂海味的鮮味咸香，因加左好多大隻蝦乾，魷魚， 蝦米， 菜圃極之美味， 超級推介。